Leboko La Phathi Ya Domkrag

Ke tlaa go boka kereng wena MmaBotswana, wena mmusetsa ruri o sa tsweng mo pusong, wena mmaaagwemogolo puso ya batho ka batho, thokgamo le molao, mahatshe a go tswela pelo kaha o busang batho ba gago sentle ka teng, wena kgomo ya mashi esale re go anyile re tlaa go anya go a kong ke kong, senatla ruri o tlaa busetsa ruri..

Wena yo o itseng go busa sentle go a bo gorileng babereki ba gago basa theogele rona re batla ditirelo legore bana ba rona ba rutwe,,, wena ontshitse btv bukana ya gago ya dinepe (album)

Legale ditlhopho tsone ba ijesa dijo tsa ditoro o di tsaa gape ka 2014, ntja di bogola poo ya simmentale mahala, kana onale pampiri ya dikgang, seromamowa le telebishene o tlaa ipapatsa ka tsone ga mmogo le dikoloi tsa dinomoro khibitswana le tota difofane, o mohumi senatla, mme ka o le mohumi duela babereki ba gago, ka o itse go busa sentle ebile o sena tshenyetso sechaba ke eng o sena madi a go ba duela.. wena mpaditona yo o meditseng chaba ya Botswana o tlaa re kgwa gole thata ya lentswe

Re ikuela mo go wena kgogomodumo ya sepolotiki sa Afrika rare masea a rona a swela dikokelong, le tsone di ARV ga re dibone sentle yone poloka e re neng retshabetse segajaja mo go yone

A re tlaa swa lwa mmoelela o re lebile

Ere o abela machaena dithendara tsa nyebenyebe o gopole bana ba gago baba ko GSS grounds, ba lela jaaka Lasaro bare a ere bahumi ba a ja ba re latlhelele matlhotlhora, bona keledi tsa bone mmusa ka bokgabane wa Africa, wena

timpakgolo ya government enclave...

Tla ke go leboge kgorogoba mme le nna o nkgopole ha machaena ba go lebogela go ba abela dithendara tsa madi madi...

Jeka Domi Jeka

(Mme o icheke ba tlaa go thankgola ka talama)

o gona bjang go buwa o le notshi?

Ke sono mara neh?

Nyaa! ga se sono.

a tshotlo ya phathi batho- the poem is loaded with sarcasm...very well written though